ربى إحفظنى من لساني
سلام الله عليكم ورحمته وبركاته
بعد السلام
يطيب لى الكلام
الكلام
وأخطر مافى دنيانا هو الكلام
وأول ما فى أديانينا
كلام
"فى البدء كانت الكلمة"
كلام
"إقرأ"
كلام
دنيا احلى مافيها كلام
وأسوء ما فيها كلام
كلام كلام كلام كلام كلام كلام
عموما
زمان وانا صغير مكنتش بعرف أتكلم نهائى
كانت واحده من أكبر مشاكلى
مبعرفشى أجمع جملتين على بعض
وإستمريت على هذا الوضع كتير
يمكن لغاية ما دخلت الجامعة
وهنا كان لابد من التغير
لأنى قابلت ناس كتير وشخصيات مختلفة
وكان لازم أتعامل معاها
كنت لازم اتعلم إنى أتكلم
وأدرب نفسى على الكلام فى مواقف مختلفة
وبدأ التغيير
بس مش عارف
إلى الأفضل
ولا إلى ماهو غير ذلك ؟
لما تعرف تتكلم كويس
أحيانا بعض الناس بتتجنب التعامل معاك
ممكن نقول بيخافوا
أو ثقتهم بيك مبتكونشى عالية
يمكن أنهم هما نفسهم مبيعرفوش يتكلموا
يمكن .................. أنا مش عارف
لكن الخوف إن الواحد لسانه يجره إلى مشاكل
أو يخلى الناس تتعمد تجره لمشاكل
أو
أو
أو
أعتقد إنى لازم أكون أكثر حذرا فى كلامى
أو أسكت خالص أحسن
"اللهم إحلل عقدة من لسانى"
سلام مؤقت
posted by Robotan @ 12:18 PM
.jpg)
