روبوتان المصري: إمتحانات ....... هوبا

Sunday, November 25, 2007

بسم الله الرحمن الرحيم

يارب إكرمنا

يا رب وفقنا

يا رب إسترها معانا

يا رب .......يا رب

كل الدعوات دى الواحد مننا بيلاقى نفسه عمال يرددها لما يكون مزنوق الزنقة التمام

زى حضرتى حاليا

ففى هذا الأسبوع المبارك هلت علينا الإمتحانات فجأة

بصراحة فجأة فعلا

لأن حضرة جناب سيادتى فى حاجات أول مرة أقراها فى المنهج دلوقتى ..... ليلة الإمتحان

يــــــــــــــا حـــــــلاوة

طبعا فى الحالات اللى زى دى الواحد مننا لازم يملا الدنيا دعا و إبتهالات وأمنيات

وهلم جرة

على أساس إن ربنا هيكرمنا من غير منكون إحنا أصلا بنحاول

وده مش هيحصل

إسعى يا عبد و أنا أسعى معاك

شوف البساطة

يعنى ذاكر يا بنى أدم وربنا هيكرمك فى الحتة الصغيرة اللى هتنساها

إنته قاعد ليه دلوقتى ياسى روبوتان

قوم يلا إلى المذاكرة

ربنا يهديك

يكرمك

يرزقك

......