وكأننا ما عدنا عرب
شئ غريب جدا ومستفز
أى نعم هوه كل شئ محيط بينا ماشى على نفس المنوال
لكن كلنا كنا بنكابر ونقول لأ
بصراحة الموضوع يضايق
منين بنقول إننا عرب
ومنين بكل سهولة بنضحى بكل قضايا العرب
" إتجاه حكومى "
عارف وفاهم وممارس سياسة على قدى
للدرجة اللى تخلينى فاهم اللعبة
بس مش قابلها
بكل بساطة جريدة الأهرام
الكبيرة
العريقة
التليدة
العربية
حبت تكتب خبر عن المباحثات اللى بين سوريا وإسرائيل
عادى
مفيش مشاكل
لكن اللى ضايقنى فعلا هوه الخريطة اللى الجريدة حاطاها فى صدر صفحتها الأولى
خريطة لهضبة الجولان المتنازع عليها
وعلى يمين الخريطة دولة سوريا
وعلى يسارها
دولة إسرائيل
خلاص مسحنا من قاموسنا فلسطين المحتلة
وأضفنا إسرائيل
صحيح
ماهى عندها ستين سنة
والسادة الحكام العرب بيهنوها بعيد ميلادها الستين
ناسين إن الستين سنة دول كلفونا دم كتير
على أبواب مدن كتير
صح
هما صح
وأنا غلط تماما
ليه أزعل ؟
ليه أتضايق ؟
ليه ما أعترفشى أنا كمان بإسرائيل ؟
ده انا غريب قوى والله
معنديش دم
وعامل فيها مثقف
هوه المفروض أقرا التاريخ على طريقتهم علشان أفهمه صح
طريقتهم بتقول :
إن إسرائيل ولاد العم
ياما شالوا الهم وإتحملوا كتير
وحاربوا علشان يكون ليهم دولة وبيت كبير
وإنتصروا فى جولات
وخسروا فى جولات
لكن لأنهم ولاد العم
ولأن حكامنا ولاد العم
سابوا لهم حتة أرض
بشعبها
يخدوها بيه او يدبحوه ما يهم
المهم هوه راحة ولاد العم
لكن يا ريت يعزروني
انا لما بقرأ فى كتاب التاريخ
بشوف حاجات كتيرة مش فى كتبكم
تلأن اللى كتب كتبى عربى
بيجرى جوه عروقة .... دم
posted by Robotan @ 10:48 AM
.jpg)
<< Home